Департаменттер

«Агробиостанция» секторы Университеттің құрылымдық бөлімшесі болып табылады және Шарттардың мониторингі және активтерді басқару департаментінің құрамына кіреді.

Сектор қызметінің негізгі мақсаты – оқу-тәжірибелік учаскелер мен зертханалық-далалық инфрақұрылым базасында агрономия, өсімдік шаруашылығы және егіншілік бағыттары бойынша оқу, ғылыми және тәжірибелік-өндірістік үдерісті қамтамасыз ету.

Сектордың негізгі міндеттері:

• студенттердің зертханалық, практикалық сабақтарын және оқу практикаларын сапалы дайындау мен сүйемелдеу, далалық жұмыстар мен демонстрациялық тәжірибелерді ұйымдастыру;
• агротехнологиялар, өсімдік шаруашылығы, егіншілік, агрохимия және сабақтас пәндер бойынша практикалық дағдыларды қалыптастыруға жағдай жасау;
• ғылыми зерттеулерді, оның ішінде далалық-тәжірибелік сынақтарды, эксперименттік егістерді және агротехнологияларды апробациялауды ұйымдастыру және материалдық-техникалық сүйемелдеу;
• білім алушыларды, магистранттарды, докторанттарды (PhD), аспиранттар мен ізденушілерді даярлау, оқыту және біліктілігін арттыру үшін жағдай жасау;
• агрономия, өсімдік шаруашылығы және жерді ұтымды пайдалану саласында консультациялық қызметтер көрсету;
• инновациялық жобаларды, бағдарламаларды және заманауи агротехнологияларды білім беру және ғылыми үдерістерге енгізу;
• гранттық, шаруашылық-шарттық және халықаралық ғылыми-зерттеу жобаларын іске асыруға қатысу;
• семинарлар, шеберлік сыныптары, демонстрациялық көрсетілімдер және «дала күндерін» ұйымдастыру және өткізу;
• сектордың жер учаскелерін, ауыл шаруашылығы техникасын, жабдықтарын және өзге материалдық ресурстарын ұтымды пайдалану;
• егіс алқаптары, өнімділік, материалдық-техникалық ресурстарды пайдалану есебін жүргізу және қызмет нәтижелері бойынша есептілік дайындау;
• өсімдік шаруашылығы және егіншілік кафедрасы бағыттары бойынша сараптамалық, консультациялық және ағартушылық қызметті жүзеге асыру;
• қызметті жүзеге асыру кезінде еңбекті қорғау, қауіпсіздік техникасы, экологиялық және агротехникалық нормалардың сақталуын қамтамасыз ету.