Абай атындағы ҚазҰПУ тарихы

«Еліміздегі тұңғыш жоғары оқу орны ашылды». Бұл қазақ халқы тарихындағы жаңа бір белес болды. Елде алғаш рет жоғары білімді мұғалімдерді – тіл мамандарын, математиктерді, физиктерді және басқа да салалардың ұстаздарын даярлау ісі басталды.

Бұған дейін қазақ жастары жоғары білім алу үшін Мәскеу, Санкт-Петербург, Қазан, Ташкент және басқа да қалаларға аттанатын. Ал енді Алматыға жол тартатын болды. Бұл Қазақстанда кадрлар даярлау, ғылымды дамыту және халық шаруашылығын өркендету үшін зор мүмкіндіктер ашты.

Тарих

1928

Құрылуы

Абай атындағы Қазақ ұлттық педагогикалық университеті – ғылым мен білім берудің даму бағытын анықтаған еліміздегі алғашқы жоғары оқу орны. 1928 жылы негізі қаланған қара шаңырақ Қазақстандағы педагогтер мен ғылыми кадрларды даярлау орталығына айналды.

1930

Алғашқы мәртебе

Университет Қазақ мемлекеттік педагогикалық институты мәртебесін алып, елдің жетекші білім ордасына айналды.

1935

Ұлылар дәуірі

Алғашқы жылдардан-ақ мұнда көрнекті тұлғалар – реформаторлар мен ағартушылар Ораз Жандосов, Сәкен Сейфуллин, Ахмет Байтұрсынов, Халел Досмұхамедов дәріс берді. 1935 жылы институтқа ұлттық даналықтың символы болған ұлы Абай есімі берілді.

1941

Сынақтар мен ерліктер

Екінші Дүниежүзілік соғыс кезінде ҚазПИ тек оқу процесін жалғастырып қана қойған жоқ, сонымен бірге Кеңес Одағының Батырларын тәрбиеледі. Олардың қатарында Мәлік Ғабдуллин, Лесбек Жолдасов, Қанаш Камзин бар.

1978

Ұлттық марапат

ҚазПИ 50 жылдығына орай жетекші педагогикалық университет ретінде ""Қызыл Ту орденімен марапатталды.

1990

Қазақстандағы тәуелсіздік дәуірінің басталуы

1990 жылдың 25 қазанында елдегі тұңғыш жоғары оқу орны «университет» мәртебесіне ие болып, «Абай атындағы Қазақ мемлекеттік педагогикалық университеті» деп аталды. Уақыт жоғары білімді ұйымдастыруда жаңа көзқарастарды талап етті.

2003

Ұлттық мәртебе беру

Қазақстан Республикасы Президенті Н.Ә. Назарбаевтың №1201 Жарлығымен университеттің атауы «Абай атындағы Қазақ ұлттық педагогикалық университеті (ҚазҰПУ)» болып өзгертіліп, «ұлттық» мәртебе берілді.

2007

Жетістіктер

2007 жылғы 24 қыркүйекте Абай атындағы ҚазҰПУ Оксфордтағы жоғары білім беру көшбасшыларының саммитінде «Біртұтас Еуропа» және «Еуропалық сапа» халықаралық марапаттарына ие болды. Сол жылы университет Мемлекет басшысының «Сапа саласындағы жетістіктері үшін» сыйлығымен марапатталды.

2028

Дәстүрді сақтау және болашаққа қадам

Абай атындағы ҚазҰПУ – бұл тек ғылыми орталық қана емес, сонымен қатар тарихи оқу ордасы. Университет өз негізін қалаушылардың есімін қастерлеп, әлемдік және ұлттық рейтингтердегі орнын нығайтып келеді.