"Ұлағат" Баспасы

Абай атындағы Қазақ ұлттық педагогикалық университетінің "Ұлағат" баспасы Ғылыми кеңестің 2011 жылғы 18 сәуірдегі шешімімен құрылды. Бұл университеттің оқу, оқу-әдістемелік және ғылыми басылымдарды, сондай-ақ университетішілік қызметтік материалдарды дайындаумен және шығарумен айналысатын негізгі құрылымдық бөлімшелерінің бірі.

Оқу процесін және ЖОО-ның ғылыми-зерттеу жұмыстарын қамтамасыз ету мақсатында баспа келесі міндеттерді орындайды: университеттің редакциялық-баспа қызметін ұйымдастырады; мемлекеттік стандарт талаптарына сай келетін оқулықтарды, оқу-әдістемелік құралдарды дайындаумен және шығарумен, сондай-ақ ғылыми және басқа да әдебиет түрлерін шығарумен айналысады. Баспаның жоғары білікті редакторлары көрсетілген мерзімде университеттің оқу және ғылыми-зерттеу қызметін жүзеге асыратын университет ғалымдары мен педагогтарының қолжазбаларын тексереді, студенттердің талаптарына жауап беретін оқулықтар, оқу құралдары, Оқу-әдістемелік нұсқаулар мен ғылыми басылымдарды жариялауға дайындайды. Өз кезегінде баспахана осы басылымдарды уақтылы және сапалы шығаруға міндеттенеді.

Сонымен қатар, "Ұлағат" баспасының құрылымына университеттің дизайнымен айналысатын өндірістік бөлім кіреді. Бұл бөлім сонымен қатар жарнамалық жұмыстарды орындауға, заманауи талаптарға сәйкес келетін оқу орнының әдемі дизайнына жауапты.