Филология факультеті

Факультеттегі тәрбие жұмысы Абай атындағы Қазақ ұлттық педагогикалық университетінің тәрбие тұжырымдамасы мен жастар саясатының басымдықтарына сәйкес жүргізіледі.

Негізгі мақсат – ұлттық құндылықтарды бойына сіңірген, рухани кемел, әлеуметтік жауапты, кәсіби білікті және бәсекеге қабілетті тұлға қалыптастыру.

Негізгі бағыттар:

– азаматтық-патриоттық және ұлттық тәрбие;

– рухани-адамгершілік және мәдени-эстетикалық тәрбие;

– академиялық адалдық қағидаттарын сақтау және сыбайлас жемқорлыққа қарсы мәдениетті қалыптастыру;

– құқықтық сауаттылықты арттыру және құқық бұзушылықтың алдын алу;

– кәсіби бағдар беру және еңбек тәрбиесі;

– студенттік өзін-өзі басқару жүйесін дамыту;

– мемлекеттік жастар саясатын жүзеге асыру;

– салауатты өмір салтын насихаттау және спорттық-сауықтыру жұмыстарын ұйымдастыру;

– волонтерлік, қайырымдылық және әлеуметтік жобаларды қолдау;

– экологиялық мәдениет пен тұрақты даму құндылықтарын қалыптастыру;

– діни сауаттылықты арттыру, діни экстремизм мен терроризмнің алдын алу;

– білім алушыларға әлеуметтік-психологиялық қолдау көрсету;

– университеттің тарихы мен қалыптасқан дәстүрлерін дәріптеу;

– Абайдың «Толық адам» ілімі негізінде білім алушылардың жан-жақты дамуына жағдай жасау.

Аталған бағыттар аясында факультетте тәрбие сағаттары, кездесулер, семинарлар, дөңгелек үстелдер, мәдени-танымдық және спорттық іс-шаралар, әлеуметтік жобалар мен еріктілер акциялары жүйелі түрде өткізіледі. 

Филология факультетінде «Сөзтаным», «Тіл - таным» және Ахмет Байтұрсынұлы атындағы ғылыми-әдістемелік орталығы, С.Сейфуллин атындағы ғылыми-шығармашылық орталығы, Халықаралық «Күлтегін»  бірлестігі, «Я открыл для себя поэта», «Актуальные проблемы литературоведения», «Қызықты грамматика» ғылыми үйірмелері жұмыс жасайды. Бұл үйірмелерде студенттердің шығармашылық шеберлігін шыңдау бағытына баса мән берілген.