Жаратылыстану және география факультеті

«География және экология» кафедрасы

География және экология кафедрасының ғылыми зерттеу қызметі

Кафедраның ПОҚ 33 оқытушыдан тұрады, оның ішінде 5 - география ғылымдарының докторлары, 14 - география, туризм және педагогика саласындағы ғылым кандидаттары мен доценттері, 3 - доценттер, 7 - география магистрлері және 2 - туризм магистрлері. Профессор-оқытушылар құрамының ғылыми дәрежесі және атағы барларының үлесі - 66,6%.

Кафедраның профессор-оқытушылар құрамы ҚРЖБҒМ және университет қаржыландыратын ғылыми жобалардың жетекшілері және орындаушылары жұмыс атқарады: Каймулдинова К.Д., Абдиманапов Б.Ш., Бакирова К.Ш., Алиаскаров Д.Т., Муздыбаева К.К., Саркыткан К., Карбаева Ш.Ш., Лайсханов Ш.У., Исаков Е.Д., Усенов Н.Е., Сейлхан А., Шакирова Н.Д., Райымбекова И.Қ., Мырзалы Н., Баканов Н.

Кафедрада ғылыми-зерттеу қызметі Қазақстан Республикасы Ғылым және жоғары білім министрлігі Ғылым комитеті (МНВО РК) қаржыландыратын гранттық және бағдарламалық-нысаналы жобалар аясында жүзеге асырылуда. Зерттеулердің негізгі бағыттары – география, геосаясат, тарихи география, түркітану, жоғары білім беру сапасын арттыру, экологиялық мониторинг және цифрлық технологияларды білім беру үдерісіне енгізу.

 

2023–2027 жылдар аралығында орындалатын жобалар қатарында мектеп географиясында жерді қашықтан зерделеу (ЖҚЗ) материалдарын қолдану әдістемесін әзірлеу, геополитиканы оқытудың ғылыми-әдістемелік негіздерін жасау, Орталық Азияның тарихи географиясын зерттеу, көне түркі топонимдерінің тарихи-этимологиялық талдауы, сондай-ақ қазіргі геосаяси кеңістіктегі интеграциялық үдерістер мен ұлттық қауіпсіздік мәселелері қарастырылуда.

 

Сонымен қатар, биоаккумуляция үдерістерін нано-деңгейде мониторингтеу арқылы ауыр металдардың экожүйеге әсерін төмендету жолдары зерттелуде. Жоғары білім сапасына әсер ететін факторларды цифрлық аналитика негізінде талдауға бағытталған жобалар да жүзеге асырылуда.

 

Ғылыми жобалар нәтижесінде әдістемелік құралдар, ғылыми мақалалар, оқу бағдарламалары әзірленіп, білім беру процесіне енгізіледі. Бұл зерттеулер аймақтық және халықаралық ғылыми ынтымақтастықты дамытуға, білім беру сапасын арттыруға және ұлттық ғылыми әлеуетті нығайтуға бағытталған.