2024 жылғы 12 қарашада Абай атындағы ҚазҰПУ-да еліміздің Бас прокуратурасы өкілдерімен кездесу өтті, деп хабарлайды Liter.kz .

Іс-шараға университет ректоры Болат Тілеп, Қазақстан Республикасы Бас прокуратурасының Кадр жұмысы департаментінің басшысы Ернұр Уәли, Алматы қаласы прокурорының аға көмекшісі, кадр жұмысы тобының жетекшісі Марат Шырынбеков, сондай-ақ Сорбонна-Қазақстан университетінің тарих және заң факультетінің студенттері мен факультетінің студенттері қатысты.

Мақсат – «Болашақ прокурор бұрышы» жобасы аясында прокуратура органдарына білікті мамандарды тартып, жоғары оқу орындарымен және студенттермен өзара іс-қимылдың тиімділігін арттыру.

Абай университеті «Құқықтану және халықаралық құқық» мамандықтары бойынша оқитын студенттерді, сондай-ақ прокуратура органдарында мансап жолын жалғастырғысы келетіндерге қолдау көрсетуге бағытталған «Болашақ прокурор бұрышы» жобасын ресми түрде бастады.

Кездесу барысында Абай университеті мен Алматы қалалық прокуратурасы арасындағы ынтымақтастық туралы меморандумға қол қою рәсімі өтті.

Жоба заң факультетінің студенттерін кәсіби ортамен таныстыру үшін бірегей жағдайлар жасайды. Кітапхананың оқу және ғылыми әдебиеттері бар сөрелер орналасқан арнайы жабдықталған бөлмесінде студенттер маңызды ресурстарға қол жеткізе алады: кітаптар, көрнекті заңгерлер туралы материалдар, оқу-әдістемелік құралдар, заманауи зерттеулердің нәтижелері және прокуратура жұмысында қолданылатын цифрлық ақпараттық жүйелер. Жобаның мақсаты – студенттердің кәсіби дамуына ықпал ету және прокурорлық мамандықтың ерекшеліктерін терең түсінуді дамыту.

Болат Тілеп бұл бастаманың заң саласында жоғары білікті мамандарды даярлаудағы маңыздылығына тоқталды.

"Университетімізде жүзеге асырылып жатқан "Болашақ прокурорының бұрышы" жобасы студенттерді кәсіби даярлаудағы тағы бір маңызды қадам болмақ. Бұл кеңістік университет түлектерінің еңбек нарығындағы бәсекеге қабілеттілігін арттыруға септігін тигізіп, құқықтық саланың негізгі секторларының бірінде жұмысқа орналасу мүмкіндіктерін ашады", - деді ректор.

Ернұр Уәли Абай университетімен жасалған меморандум аясында студенттердің қалалық және облыстық прокуратура қызметкерлерімен өндірістік тәжірибеден өтуге, білім және тәжірибе алмасуға тамаша мүмкіндіктері бар екенін атап өтті. Сондай-ақ Қазақстан Республикасы Бас прокуратурасының қызметі туралы статистикалық мәліметтермен бөлісіп, жас мамандарды Құқық қорғау органдары академиясына оқуға шақырды.

Кездесу нәтижелі болды. Қорытындылай келе, қатысушылар екі тарапты да қызықтырған сұрақтарын қойып, өзара пікір алмасты.

12.11.2024ж

Дереккөз: liter.kz