Абай атындағы Қазақ ұлттық педагогикалық университетінің Педагогика және психология факультетінің «Педагогика» кафедрасы университет көлемінде «Педагогикалық іс: «Бірге зерттейміз – нәтижелі шешеміз!» атты студенттік жобалар байқауын өткізеді. 2025 жылғы 26 наурыздан 14 сәуірге дейін.

Байқаудың мақсаты білім беру жағдайларын шешу арқылы студенттердің педагогикалық ғылым мен практика саласындағы ғылыми-зерттеу және тәжірибеге бағытталған құзыреттіліктерін дамыту.

Байқау Абай атындағы Қазақ ұлттық педагогикалық университетінің «Педагогикалық зерттеулер» пәні бойынша оқитын 2 курс бакалавриат студенттері арасында өткізіледі. Студенттер Байқауға жеке немесе командамен (3-5 адамға дейін) қатыса алады.