2026 жылдың 16 қаңтарында Абай атындағы Қазақ ұлттық педагогикалық университетінде университетішілік ғылыми жобалардың қорытынды есептерін тыңдау отырысы өтті. Аталған отырыста халықаралық, интеграциялық, профессор-оқытушылар құрамы мен қызметкерлеріне арналған сондай-ақ «Жас ғалым» бойынша жүзеге асырылған 43 ғылыми жобаның есептері Ғылыми-консультативтік кеңес отырысында тыңдалды.  

Жоба жетекшілері мен орындаушылары есептік кезеңде жүргізілген ғылыми-зерттеу жұмыстарының мазмұны, қол жеткізілген нәтижелері, жарияланған ғылыми мақалалары, әзірленген оқу-әдістемелік материалдары, сондай-ақ ғылыми-зерттеу ұйымдары және шетелдік серіктестермен бiрлесе өткiзген іс-шаралары, қатысқан конференциялары, семинарлары туралы баяндады.

Ғылыми-консультативтік кеңес отырысында әр ғылыми жоба бойынша тиісті қорытынды шешімдер қабылданып, болашақта коммерцияландыру әлеуеті жоғары жобалар іріктелініп алынды. Сондай-ақ, қаланы көркейту, білім беру процесін жетілдіру және қала ландшафтының дамуына үлес қосу мүмкіндігіне қарай перспективті жобаларды жергілікті атқарушы органдардың қарауына ұсынылды.