Қазақстан Республикасы Ғылым және жоғары білім министрлігінің Жоғары және жоғары оқу орнынан кейінгі білім комитеті Nazarbayev University-мен бірлесіп, АҚШ-тағы Стэнфорд университетінің Тұрақты даму жөніндегі Дорр мектебінің (Stanford Doerr School of Sustainability) бастамасымен ұйымдастырылатын Global Sustainability Challenge 2026–2027 халықаралық байқауының басталғанын хабарлайды.

Байқаудың негізгі мақсаты – студенттерді жаһандық тұрақты даму мәселелерін шешуге бағытталған практикалық жобалар мен инновациялық шешімдерді әзірлеуге ынталандыру.

Байқаудың екінші маусымы екі негізгі бағыт бойынша өткізіледі:

· Тұрақты энергетика (Sustainable Energy) – таза энергияны өндіру, сақтау және тарату саласындағы тиімді шешімдерді әзірлеу.

· Бейімделу және төзімділік (Adaptation & Resilience) – су және азық-түлік қауіпсіздігін қамтамасыз ету, сондай-ақ аптап ыстық пен климаттық тәуекелдерге төзімділікті арттыруға бағытталған шешімдерді әзірлеу.

Қатысушылар: барлық мамандықтар бойынша бакалавриат, магистратура және докторантура студенттері.

Жобалар жеке немесе командалық форматта ұсынылуы мүмкін (1–6 қатысушыдан тұратын командалар). Байқаудың жұмыс тілі – ағылшын тілі.

Жүлде қоры 35 000 АҚШ долларынан асады! Сонымен қатар, үздік командаларға Стэнфорд университетінде өтетін EcoGlobal Intensive бағдарламасы аясында тағылымдамадан өту мүмкіндігі беріледі.

Жобаларды қабылдаудың соңғы мерзімі: 2026 жылғы 22 қараша.

Байқауға қатысу шарттары мен тіркелу туралы толық ақпаратты ресми сайттан білуге болады: https://www.globalsustainabilitychallenge.org

Барлық студенттерді осы халықаралық бастамаға белсенді қатысуға, өздерінің зерттеушілік және инновациялық әлеуетін көрсетуге және тұрақты болашақты қалыптастыруға үлес қосуға шақырамыз!

Жаһандық өзгерістердің бір бөлігі болыңыз!