– Біз студенттерге заманауи білім беруіміз керек. Кейінгі жылдары университетте жасанды интеллектіге бағытталған ғылыми жобалар көбейді. Демек, жаңа факультет өз жұмысын енді ғана бастап отырған жоқ. Оның сүйенетін ғылыми негізі, жинақталған тәжірибесі, білікті мамандары жеткілікті. Әрине, жасанды интеллект мұғалімнің орнын алмастырмайды. Бірақ біз оны көмекші құрал ретінде пайдалануға үйретеміз әрі заманауи технологияларды меңгерген педагог мамандарды даярлаймыз, – деді Болат Анапияұлы.

Тұсаукесер рәсімінде факультеттің мақсат-міндеттері айқындалып, акаде­мия­лық құрам мен мүмкіндіктері таныс­тырылды. Жаңа буын педагог мамандарын даярлауға қатысты материалдық-техникалық база мен түрлі зертханалар көз қуанышына айналды.

Бүгінде факультетте төрт білім бағ­дарламасы бойынша 810 студент білім алып жатыр. Оның ішінде IT және жасанды интеллект бағытына 300-ге жуық білім алушы қабылданған. Факультет жасанды интеллект және машиналық оқыту, бағдарламалық инженерия, ақпараттық жүйелер, киберқауіпсіздік, деректерді талдау және Data Science, роботтехника, интеллектуалды жүйелер, цифрлық педагогика, генеративті жасанды интеллект және ақпараттық технологиялар салалары бойынша жұмыс істейді.

Жаңа факультеттің басты ерекшелігі – IT-саласындағы білімді педагогика­лық ба­ғытпен ұштастырып, ЖИ жауап­кер­ші­лігін меңгерген мұғалімдерді даярлау.

egemen.kz