Абай атындағы Қазақ ұлттық педагогикалық  университеті, Педагогика және психология факультеті, Мектепке дейінгі білім беру және әлеуметтік педагогика кафедрасы  2026 жылдың 14 қыркүйегінде «Педагог көшбасшылығы: білім берудегі өзгерістердің жаңа архитектурасы» атты философия докторы, қауымдастырылған профессор Алимбекова Анар Аймолдақызының 60 жас мерейтойына арналған халықаралық нетворкинг өткізеді.

Халықаралық нетворкинг жұмысының бағыттары:

1. Педагог көшбасшылығы: білім беру трансформациясының стратегиялық ресурсы;

2. Педагогтің кәсіби капиталы: көшбасшылық, құндылықтар және өзгерістер мәдениеті;

3. Білім беру экожүйесіндегі серіктестік: кәсіби қауымдастықтар және халықаралық ықпалдастық;

4. Педагогикалық білімнің трансформациясы: болашақ педагогтің көшбасшылық әлеуетін дамыту

Мақсаты: педагог көшбасшылығын білім беру жүйесіндегі стратегиялық өзгерістердің қозғаушы күші ретінде зерделеу, педагогтің кәсіби капиталы мен көшбасшылық әлеуетін дамытудың ғылыми-әдіснамалық негіздерін талқылау, отандық және халықаралық тәжірибелерді ықпалдастыру арқылы кәсіби серіктестік пен академиялық ынтымақтастықты нығайту, сондай-ақ педагогикалық білім беруді трансформациялау жағдайында бәсекеге қабілетті, бастамашыл және өзгерістерді басқаруға қабілетті педагог даярлаудың басым бағыттарын айқындау.

Қатысушылар:

Білім беру жүйелерінің басшылары, педагогтері,  біліктілікті көтеру салаларының мамандары, қалалық білім бөлімдерінің өкілдері, отандық және шетелдік ғалымдар, докторанттар, магистранттар.

Нетворкинг жұмысының ресми тілдері: қазақ, орыс, ағылшын.

Материалдарды рәсімдеу тәртібі

Баяндама мәтіні (3-5 бет) 6.0 (7.0) мәтіндік  WORD редакторында «Tіmes New Roman» шрифтімен (шрифт өлшемі - 12, әр жол арасы - 1,0, барлық жағынан жол жиегі - 20 мм,  азат жол - 1,25 см.) жазылуы тиіс.

Негізгі талаптар: Бастапқы жолдың ортасында бас әріппен, қалың қаріппен баяндаманың тақырыбы, бір жолдан кейін автордың аты-жөні, келесі жолға мекеме, қала аты, автордың е-maіl адресі жазылады.

МАҚАЛА ҮЛГІСІ 

ХАЛЫҚАРАЛЫҚ НЕТВОРКИНГКЕ ТІРКЕЛУ ПАРАҒЫНЫҢ ҮЛГІСІ