2025 жылғы 26 наурыз бен 5 сәуір аралығында Абай атындағы Қазақ ұлттық педагогикалық университетінде дене шынықтыру және алғашқы әскери даярлық факультетінің профессор-оқытушылар құрамы үшін біліктілікті арттыру курсы өтті. Курсты Йокогама университетінің профессоры Тоин (Жапония), PhD докторы Томонобу Сакурай жүргізді.

"Дене шынықтыру мен спорттағы бұлшықет қызметінің физиологиялық ерекшеліктері" тақырыбындағы курс аясында қатысушыларға бұлшықет физиологиясымен байланысты заманауи ғылыми тәсілдер мен практикалық әдістер ұсынылды. Оқу бағдарламасына теориялық сабақтар, ғылыми-практикалық талдау және практикалық жаттығулар кірді.

Оқыту барысында оқытушылар бұлшықет қызметінің ғылыми негіздерімен танысып, дене шынықтыру және спорт саласында болып жатқан физиологиялық процестерді тереңірек түсінуге мүмкіндік алды. Бұдан басқа, халықаралық тәжірибе алмасу олардың кәсіби құзыреттерін одан әрі дамытуға ықпал ететін болады.

Бұл курсты өткізу Абай университеті мен Йокогама Тойин университеті арасындағы ғылыми-академиялық ынтымақтастықты нығайтудың, сондай-ақ оқытушылардың кәсіби өсуіне бағытталған маңызды қадамның айқын дәлелі болды.