Хан Наталья Николаевна

Хан Наталья Николаевна

Профессор

Педагогика ғылымдарының докторы

professor_khan@mail.ru


Кандидаттық диссертациясының тақырыбы: «Болашақ мұғалімдерді оқушылардың ұжымдық танымдық іс-әрекетін ұйымдастыруға дидактикалық даярлаудың кейбір ерекшеліктері».


Докторлық диссертациясының тақырыбы: «Жалпы білім беретін мектептің педагогикалық үдерісіндегі ынтымақтастықтың теориялық негіздері».


Ғылыми бағыты: педагогикалық білім беру мен педагогика ғылымын дамыту.


Электрондық пошта: professor_khan@mail.ru


Қысқаша өмірбаян


Хан Наталья Николаевна Гурьев (қазіргі Атырау) қаласында дүниеге келген. Атырау қаласында орта мектепті және жоғары оқу орнын үздік бітірген.


Еңбек жолын жалпы білім беретін мектепте тарих пәнінің мұғалімі болып бастаған. Кейін Атырау қаласындағы педагогикалық жоғары оқу орнында оқытушы, педагогикалық практика бөлімінің меңгерушісі қызметтерін атқарған. Аспирантураны аяқтағаннан кейін кандидаттық диссертация қорғаған. Ғылыми-педагогикалық қызметін Атырау қаласындағы педагогикалық жоғары оқу орнында жалғастырып, психология кафедрасының меңгерушісі қызметін атқарған. Кейін педагогика ғылымдары бойынша докторлық диссертация қорғаған.


1980-жылдардың соңынан бастап Абай атындағы Қазақ ұлттық педагогикалық университетінде қызмет атқарып келеді. Доценттен профессорға дейінгі кәсіби жолдан өтті. Педагогика кафедрасында, педагогикалық мамандықтар бойынша мамандар даярлау құрылымдарында, Магистратура және докторантура институтында профессорлық қызметтер атқарған. Қазіргі уақытта «Педагогика және психология» білім беру бағдарламасы аясында ғылыми-педагогикалық қызметін жүзеге асырады.


Қазақстан Республикасының ғылыми және ғылыми-педагогикалық кадрларын аттестаттау жұмысына белсенді қатысты. 1999 жылдан бастап Абай атындағы ҚазҰПУ жанындағы Д 14.05.01 диссертациялық кеңесінің мүшесі, 2006–2009 жылдары аталған диссертациялық кеңестің төрайымы болды. Кейінгі жылдары Абай атындағы ҚазҰПУ мен Л.Н. Гумилев атындағы Еуразия ұлттық университетінде философия докторы (PhD) дәрежесін алу үшін диссертацияларды қорғау жөніндегі кеңестердің құрамында қызмет атқарды.


Жоғары білім беру және ғылым саласында сарапшылық қызмет атқарған: Қазақстан Республикасы Жоғары аттестаттау комиссиясы сараптамалық кеңесінің (2001–2003), ҚР БҒМ Білім және ғылым саласындағы бақылау комитетінің сараптамалық кеңесінің (2009–2010) мүшесі, ҚР БҒМ Білім және ғылым саласындағы сапаны қамтамасыз ету комитетінің педагогика ғылымдары бойынша сараптамалық кеңесі төрағасының орынбасары (2018–2021) болды.


Тәуелсіз аккредиттеу және рейтинг агенттігінің (НААР) сарапшысы болған (2019–2024 жылдарға арналған сертификат). Ғылыми-редакциялық қызметке қатысып, Абай атындағы ҚазҰПУ-дың «Хабаршы. Педагогика ғылымдары сериясы» (2012 жылдан бастап), «Педагогика және психология» ғылыми-әдістемелік журналының, Л.Н. Гумилев атындағы ЕҰУ-дың «Хабаршысы. Педагогика. Психология. Әлеуметтану» сериясының редакциялық алқаларының құрамында болды.


Ғылыми және ғылыми-педагогикалық кадрларды даярлау бағытында жұмыс жүргізді. Ғылыми жетекшілігімен педагогика ғылымдарының докторы, педагогика ғылымдарының кандидаттары, философия докторлары (PhD) және педагогика ғылымдарының магистрлері даярланды.


Көпжылдық ғылыми-педагогикалық қызметі, Қазақстан Республикасының білім беруі мен ғылымын дамытуға қосқан үлесі үшін «Қазақстан Республикасының білім беру ісінің құрметті қызметкері» (2010), «Қазақстан Республикасының ғылымын дамытуға сіңірген еңбегі үшін» (2011) төсбелгілерімен, сондай-ақ Абай атындағы ҚазҰПУ-дың «Ерекше еңбегі үшін» төсбелгісімен марапатталған. Жоғары білікті ғылыми және ғылыми-педагогикалық кадрларды аттестаттау жұмысына қосқан үлесі үшін ҚР БҒМ Білім және ғылым саласындағы бақылау комитетінің алғыс хаттарымен марапатталған.

Артқа қайту