2025 жылдың 8 сәуірінде Ғылым апталығы аясында Абай атындағы Қазақ ұлттық педагогикалық университетінің оқу ісі жөніндегі проректоры Бану Нарбекова «Зерттеуге негізделген оқыту және жаңа тенденциялар» тақырыбында дәріс оқыды.

Дәріске университеттің факультет декандары, профессор-оқытушылар құрамы және докторанттар мен магистранттар қатысты.

Бану Мұқатайқызы жылдам өзгеріп жатқан әлем жағдайында ғылыми-зерттеу құзіреттілігін дамыту жоғары сапалы білім беру мен бәсекеге қабілетті мамандарды даярлаудың ажырамас бөлігіне айналып отырғанын баса айтты.

Баяндамада білім беруде қолданылатын заманауи зерттеу тәжірибелері егжей-тегжейлі қарастырылды:

Lesson Study – оқу сабақтарын жоспарлау, өткізу және талқылау циклі арқылы оқыту тәжірибесін бірлесіп талдау және жетілдіру әдісі;

Іс-әрекетті зерттеу – мұғалім өзінің педагогикалық тәжірибесін жетілдіру мақсатында зерттеуші ретінде әрекет ететін тәжірибеге бағытталған тәсіл;

Конструктивизм – білім алушының жеке тәжірибесі, өзара әрекеті және рефлексиясы негізінде білімді құрудағы белсенді рөлін болжайтын білім беру философиясы.

Бұл тәсілдер білімді тереңдетуге ықпал етіп қана қоймайды, сонымен қатар оқушылардың зерттеушілік құзыреттіліктерін, сыни тұрғыдан ойлауын және топпен жұмыс істеу дағдыларын дамытады.

Сондай-ақ Бану Мұқатайқызы білім берудегі негізгі тенденцияларға тоқталды:

• тәжірибеге бағытталған және жобаға негізделген оқытуға баса назар аудару,
• академиялық дайындықтың негізгі құрамдас бөлігі ретінде зерттеу дағдыларын дамыту,
• мұғалімнің көмекші және тәлімгер рөлін күшейту;
• оқу үдерісіне цифрлық және аналитикалық құралдарды біріктіру.